Kur të blini lule, mendoni mirë për zgjedhjen që bëni, sepse luleve duhet përshtatur ambientin ku rriten. Se për çfarë lloji të luleve do të vendosni varet nga preference juaj por edhe mundësia për t’u kujdesur për to !
Nëse disa lule nuk kanë nevojë për ndonjë kujdesje të madhe (lexojini këtu cilat janë ato) me disa të tjera duhet treguar më shumë kujdes.
Bimët të mbahen larg nga burimi i nxehtësisë
Bimët nuk duhet të vendosen në afërsi të trupave që çlirojnë nxehtësi. Gjithashtu, mos i mbani bimët në afërsi të televizorët, sepse bimët do të absorbojnë nxehtësinë dhe do t’u thahen rrënjët dhe gjethet.
Ujitja e rregullt e bimëve
Uji është njëri ndër faktorët vendimtarë për zhvillimin e rritjen e bimëve, andaj duhet pasur më së shumti kujdes. Pas ujitjes, dheu do ta lirojë tepricën e ujit në enën e vendosur nën vazo, ndërkaq atë ujë duhet ta hiqni, sepse bimët nuk e duan lagështinë e tepërt.
Temperatura dhe drita
Duhet pasur parasysh se disa bimëve u përshtaten këndet e errëta të dhomave, e disa të tjerave u përshtaten pozitcionet afër dritareve, gjithashtu duhet pasur kujdes edhe temperaturën, shkruan living, megjithatë këta elementë ndryshojnë në varësi të bimëve, ndaj informohuni me luleshitësin përpara se të blini një lule.
