Kërkohet sqarim për mënyrën e vlerësimit të intervistës me gojë

Nga: Visar Ismajli – profesor

Si është e mundur që intervista me gojë të zhvillohet nga 4 persona, ku secili ka nga 20 pikë, pra gjithsej 80 pikë, ndërsa në përfundim pretendohet se kjo pjesë përbën vetëm 30% të vlerësimit total?

Sipas ndarjes së pikëve:

50% – Testi me shkrim
20% – Portofoli/CV-ja
30% – Intervista me gojë

Kërkohet një shpjegim i qartë dhe transparent nga Kryetari i Komisionit, z. Burim Sadiku, dhe Drejtori i Arsimit, z. Jeton Rexhepi:

Si është llogaritur 30%-shi i intervistës me gojë, kur katër anëtarë të komisionit kanë nga 20 pikë, gjithsej 80 pikë?

Publiku dhe kandidatët kanë të drejtë të dinë se cila është formula e saktë e konvertimit të 80 pikëve në 30%, si dhe baza ligjore dhe metodologjia e përdorur për këtë vlerësim.

Kërkoj që kjo çështje të sqarohet publikisht dhe me dokumentacion, në mënyrë që procesi i vlerësimit të jetë i kuptueshëm dhe transparent për të gjithë kandidatët.  /2LONLINE/