Kërcënimet dhe arroganca e një mjeku mburravec…!!!

Shkruan: Zijadin HASANI

Ndodh edhe kjo në Spitalin Rajonal Gjilan

(2LONLINE) – Bëhet fjalë për dr.Bajram   Shaqiri, mr.sci, kryetar i Këshillit profesional, kryeshef i sektorit të kirurgjisë (poste këto që ia dhuroi partia e tij), vrasës latent  sipas porosisë, që  preferon  vrasjen me  hedhje nga dritarja të kolegëve të tij që nuk mendojnë si ai, e kritikojnë, pra ky është specialitet dhe si duket është më i njohur për këtë “zeje”  të kohës për  eliminimin efikas të kundërshtareve.  Këtë “mjeshtëri” latente e ka të lindur, por që tash së fundi  iu  shpërfaq. Sipas gjasave kjo  “aftësi” e eliminimit të kolegëve  iu paraqit me marrjen  e disa posteve, falë  partisë  që tok me të  erdhën jo ta menaxhojnë spitalin, por  ta sundojnë dhe atë në mënyrën më primitive të mundshme, ose këto poste i uzurpoi dhe tani si një diktatorth po i maltreton kolegët e tij dhe po i kategorizon sipas niveleve .  Dr Shaqiri është “shkencëtar”, demek magjistër i shkencave mjekësore, të arritur ne  Tiranë, ku siç dihet një numër i konsiderueshëm si ky,  një zot e di se me çfarë kriteresh profesionale i marrin titujt, të mos flasim për kritere shkencore.

Dhe ky “shkencëtar” ka qëndrim arrogant, mospërfillës ndaj kolegëve të tij.    Si rrodhi kërcënimi , shfrimi i smirës  ? Kërkesën që ne të repartit të pediatrisë ia bëmë  Këshillit  për pjesëmarrje në simpozium në Prishtinë   dhe  që ai e udhëheq,  dr.Bajrami përgjigjet  : “ nuk shqyrtohet  dhe refuzohet kërkesa e pediatrisë  , për shkak të vonesës “  Unë  reagova në këtë përgjigje, duke thënë se kjo mënyrë e sjelljes, ky refuzim për simpozium nuk është korrekte  dhe paraqet shprehje të një  injorance.

Pas këtij  reagim tim , dr.B.SH. kërcënohet  duke shpalos  smirëzillëkun  e tij , se do të më ndëshkoj, do të më shkarkoj nga posti i shefit dhe urgjentisht ka kërkuar që unë të kërkoj falje ,  dhe unë  nuk ia vura veshin  këtij kërcënimi.  Por të mërkurën (27.1.130, rreth ore 13.30), pas kërkesës sime që të bisedojmë, të sqarohemi  i thashë atij,  por ky “shkencëtari” ynë  tha :  “ ke meritu me të hedh nga dritarja”, largohu se unë nuk bisedoj me koleg  të nivelit të ultë , a s’po e din që unë jam “I nivelit të lartë”. Mbase kjo duket e pabesueshme, por unë vërtetë  duhet të kërkoj falje  publike  për mosnjohjen e anës morbide  “të kolegut te nivelit të lartë”, pjesës  jo njerëzore, arrogancës, jokolegjiale duke e quajtur  refuzimin për simpozium  si  një gjë injorante, kur qartë  duket superinjoranca  e kolegut  -“vrasës  latent , modern”.

Si do që të jetë, kjo është më tepër çështje për Komisionin e Odës së mjekëve, të sapothemeluar, mbase e prokurorit dhe gjykatës.

(Dr.Zijadin Hasani, shef i  R. Pediatrisë, “I nivelit të ultë” dhe nën kërcënim)