Kërcen nga dritarja duke reaguar ndaj vendimit për dëbim nga Gjermania

Një refugjat i ri kosovar ka kërcyer nga dritarja në Halle të Gjermanisë duke reaguar kështu me dëshpërim ndaj vendimit për dëbim nga Gjermania.

Ngjarja ka ndodhur të martën kur policia ka hyrë në dhomën e tij në kampin e azilit, njofton këshilli për refugjatë në landin Sachsen-Anhalt, shkruan, transmeton albinfo.ch.

I riu me këtë rast ka pësuar lëndime të rënda gjegjësisht thyerje të shumëfishta.

Edhe një zëdhënëse e ministrisë së brendshme e ka konfirmuar rastin por pa dhënë detaje.

Bëhet fjalë për dëbimin e parë te organizuar për këtë vit në landin e përmendur, transmeton albinfo.ch. Ndërkohë nga ky land janë deportuar me aeroplan 97 refugjatë nga Shqipëria dhe Maqedonia, shkruan albinfo.ch.

Rasti i ndodhur në Halle tregon për dëshpërimin e madh që mbretëron në mesin e refugjatëve thotë një zëdhënëse e Këshillit për Refugjatët.