KEDS-it synon realizimin e disa projekteve në Kamenicë

(2L ONLINE) – Kryetari I Komunës së kamenicës Begzad Sinani priti sot , përfaqësuesit e KEDS-it: Avni Alidemajn, drejtor i sistemit të operimit në nivel të Kosovës , dhe drejtorin e distriktit regjional të KEDS-it Ramadan Ahmetin.

Ata shprehën gatishmërinë e kompanisë së tyre për bashkëpunimin me Komunën e Kamenicës ,si dhe të njoftohen me planin zhvillimor e urbanistik të komunës, ku do të informoheshin se kah do të shtrihet qyteti dhe zona industriale, në mënyrë që investimet e KEDS-it, të jenë në përputhje me planin e komunës.

Përfaqsuesit e KEDS-it e njoftuan Kryetarin Sinani me projektet që do t’i realizojnë në komunën e Kamenicës si : Zëvendësimi i shtyllave të drurit të tensionit të ulët me shtylla të betonit dhe rrjeti , ndërrimi i atyre shtyllave të tensionit lartë që paraqesin rrezik për tu rrëzuar, vendosja e disa trafostacione të reja për këto vend vendbanime: Hodonoc, Busavatë Kamenicë,Koretin, poashtu edhe disa projekte të vogla Lagjja Xhaqkaj dhe Batallt në fshatin Hogosht.

Kryetari Sinani premtoi se Komuna e Kamenicës do të bashkëpunoj me KEDS-in, dhe do të siguroj pjesëmarrje në realizimin e disa projekteve që janë më se të domosdoshme ./2L ONLINE/