KDS ka realizuar Kursin për Nënoficer të Lartë (KLN)

Në kuadër të zhvillimit profesional dhe ngritjes së kapaciteteve udhëheqëse, në Komandën e Doktrinës dhe Stërvitjes ka përfunduar me sukses certifikimi i Kursit për Nënoficer të Lartë (KLN) “Gjenerata 10-2026”.

Ky kurs përfaqëson një hap të rëndësishëm në përgatitjen e kuadrove për përballimin e sfidave bashkëkohore, duke forcuar aftësitë e lidershipit, vendimmarrjes ushtarake dhe menaxhimit në situata komplekse operacionale dhe taktike.

Gjatë realizimit të këtij kursi, pjesëmarrësit kaluan nëpër një proces intensiv trajnimi, duke zhvilluar aftësi teorike dhe praktike të nevojshme për udhëheqje efektive në çdo nivel të përgjegjësisë, kursantët dëshmuan përkushtim, profesionalizëm dhe gatishmëri për të marrë përgjegjësi më të larta në shërbim të misionit.

KDS mbetet e përkushtuar në zhvillimin e liderëve të aftë, të disiplinuar dhe të përgatitur për sfidat e së ardhmes. /2LONLINE/