KBI përmes “Bereqetit” shpërndau mish kurbani

Sot, Këshilli i Bashkësisë Islame (KBI) në Gjilan, përmes Shoqatës Humanitare “Bereqeti” – dega në Gjilan, realizoi shpërndarjen e mishit të kurbanit për 55 familje në nevojë, të vendosura në dy qendrat e banimit social në qytetin e Gjilanit.

Ky aktivitet humanitar u zhvillua në bashkëpunim dhe koordinim me Drejtorinë për Shëndetësi dhe Mirëqenie Sociale, dhe me pjesëmarrjen e drejtorit të kësaj drejtorie, Hekuran Rapuca.

Këshilli i Bashkësisë Islame në Gjilan, përmes Shoqatës “Bereqeti”, mbetet i përkushtuar në mbështetjen e shtresave në nevojë, duke e fuqizuar frymën e solidaritetit, mëshirës dhe ndihmës së ndërsjellë, në përputhje me parimet e fesë islame dhe me vlerat tona shoqërore, thuhet në njoftimin e KBI-së. /2LONLINE/