KB Drita është rikthyer në Superligë!

Klubi i Basketobillit Drita feston hyrjen në ProCredit Superligë

Pas dy finaleve shumë interesante ndaj Proton Cable Prizrenit, gjilanasit fituan dy ndeshjet dhe u rikthyen në elitë.

Bardhekaltrit në ndeshjen e fundit fituan 92:91, në një dramë të vërtetë, ku dy pikët vendimtare i shënoi Eris Zeneli në sekondat e fundit.

MVP u shpall Adrian Ibishi, i cili në ndeshjen e fundit kishte 18 pikë e 12 kërcime, njofton Federata e Basketbollit e Kosovës.  

Përndryshe, edhe kryetari i Komunës së Gjilanit, Alban Hyseni e ka uruar Dritën për kthimin në Superligë

“Pas shumë vitesh, klubi ynë i zemrës, KB Drita rikthehet aty ku e ka vendin. Urime klubit, lojtarëve e Intelektualëve”, thuhet në urimin e të parit të komunës, Alban Hyseni. /2LONLINE/