Kaula Haziri renditet në mesin e 8-të më të mirave në Kampionatin Europian të të Rinjve EYC 2026

Në Kampionatin Europian të të Rinjve EYC 2026 që u mbajte në Berlin të Gjermanisë, sportistja gjilanase e boulingut, Kaula Haziri ka arritur një sukses të madh duke u renditur në vendin e 8-të nga 57 garuese sa morën pjesë gjithsej.

Federata e Boulingut e Kosovës vlerëson se ky rezultat përbën një arritje të madhe për sportin e boullingut në vendin tonë dhe një motivim i fuqishëm për të rinjtë që synojnë të ndjekin këtë disiplinë.

Sipas Federatës, kjo arritje  e sportistes së boulingut, Kaula Haziri është frymëzim për gjithë vendin dhe dëshmi se me punë, përkushtim dhe besim, ëndrrat bëhen realitet.

“Urojmë që ky sukses të jetë vetëm fillimi i një rruge të gjatë plot fitore, rekorde dhe krenari për ty e për Kosovën”, thuhet në urimin e Federatës e Boulingut e Kosovës.  /2LONLINE/