Përzgjedhësi i kombëtares së Zvicrës, Vladimir Petkoviq, ka vendosur për 11-shin e parë që do të paraqitet sonte në Maribor kundër Sllovenisë. Sipas gazete Blick, futbollistët Xherdan Shaqiri, Admir Mehmedi, Granit Xhaka e Valon Behrami do të luajnë titullarë.
Ballafaqimi luhet sonte në orën 20.45, i vlefshëm i xhiros së dytë të grupit E në kualifikimet për Euro 2016. Futbollistë shqiptarë janë maksimalisht të përgatitur për këtë sfidë të madhe. Blerim Xhemaili e Pajtim Kasami do të janë në bankë, ndërsa përzgjedhësi slloven, Sreçko Katanec do të paraqitet me përbërjen më të mirë të mundshme.