Katër raste të reja me COVID-19 në Viti, kërkohet maturi

Në Komunën e Vitisë mbrëmë janë diagnostifikuar katër raste të reja me Covid-19. Aktualisht gjendja është nën kontroll, por rreziku është i përhershëm, për shkak të përhapjes së shpejtë të virusit në nivel vendi.

Kryetari Sokol Haliti në takimin e sotshëm të Komitetit Komunal për Mbrojtje dhe Shpëtim ka kërkuar maturi gjatë zbatimit të masave të reja.

Ai ka thënë se njerëzit duhet të qarkullojnë për të kryer obligimet e tyre ditore, sikur që duhet të punojnë edhe bizneset, por sipas tij, masat duhet të respektohet në përpikmëri, sidomos nga pjesa e bizneseve të gastronomisë, në mënyrë që të mos ketë nevojë për masa më të ashpra.

Ndryshe në takim u tha që të vazhdohet me masat tjera si dezinfektim dhe klorifilim si dhe me shpërndarjen e pakove ushqimore emergjente nga Komuna e Vitisë.