Katër futbollistë dhe një anëtar i stafit të Kombëtares U21 dalin pozitiv me Covid

Katër futbollistë dhe një anëtar i stafit të Kombëtares U21 dalin pozitiv me Covid

Federata e Futbollit e Kosovës (FFK) ka njoftuar opinionin se Kombëtarja U21 të dielën i është nënshtruar testit për Covid-19 dhe të hënën është njoftuar me rezultatet e testeve.

Me këtë rast, katër futbollistë dhe një anëtar i stafit kanë rezultuar pozitiv, por që të gjithë janë asimptomatik dhe mirë me shëndet.

“Menjëherë pas njoftimit të rezultateve të testeve të gjithë personat që kanë rezultuar pozitiv janë izoluar dhe nuk kanë kontakt me pjesën tjetër të ekipit. Po ashtu, duhet cekur që Federata edhe më herët i ka marrë të gjitha masat e nevojshme për këtë grumbullim, ku të gjithë futbollistët kanë qenë në dhoma të ndara që nga fillimi. Personat që kanë rezultuar pozitiv janë ritestuar gjatë ditës së sotme në Institutit Kombëtar të Shëndetësisë Publike dhe janë në pritje të rezultateve për t’u konfirmuar nëse janë sërish pozitiv”, ka njoftuar FFK-ja.

KOMENTE