Kastrati: Për zhvillimin e vendit nuk mjaftojnë veç fjalët por veprimi me përgjegjësi!
Buxheti i Kamenicës nuk është votuar në Kuvendin Komunale kryetari i kësaj komune, Qëndron Kastrati, ka shkruar në profilin e tij se nga 124 mijë euro sa e gjetën buxhetin për investimet kapitale, arritëm që për vitin e ardhshëm ta çojmë në 1.6 milionë apo rreth 13 fish më shumë.
‘Kamenica asnjëherë nuk ka pasur buxhet të tillë dhe nga papërgjegjshmëria e disa nga asambleistëve rrezikon që buxheti i investimeve kapitale të bie në 500 mijë euro në rast të mosvotimit të këtij buxheti. Vlerë tejet e vogël për përmbushjen e kërkesave të qytetarëve. Në një çështje kaq të rëndësishme për secilën komunë, siç është buxheti, nuk duhet të jetë cak i kalkulimeve politike e personale”, ka shkruar ai.
Ja postimi i tij i plotë:
Nga 124 mijë euro sa gjetëm buxhetin për investimet kapitale, arritëm që per vitin e ardhshëm ta çojmë në 1.6 milionë apo rreth 13 fish më shumë. 13 FISH MË SHUMË. Por, problemet e Kamenicës, rrugët e vështira të zhvillimit të këtij qyteti që për shumë vite ishte në qorrsokak nuk po u mjafton disa asamblesitëve. Sepse për ta nuk janë të rëndësishme interesat e qytetarëve por ato partiake e personale.
Edhe sot ata nuk ishin për zhvillim të Kamenicës, por për demagogji. Buxheti që kishte të parapara 1.6 milionë euro për investime kapitale, nuk u votua po nga ata që thirren në përfaqësim të interesave të popullit e zhvillimit të kësaj komune. Sepse për ta është më e rëndësishme politika sesa nevojat e këtij komuniteti të shtypun ndër vite.
Kamenica asnjëherë nuk ka pasur buxhet të tillë dhe nga papërgjegjshmëria e disa nga asambleistëve rrezikon që buxheti i investimeve kapitale të bie në 500 mijë euro në rast të mosvotimit të këtij buxheti. Vlerë tejet e vogël për përmbushjen e kërkesave të qytetarëve. Në një çështje kaq të rëndësishme për secilën komunë, siç është buxheti, nuk duhet të jetë cak i kalkulimeve politike e personale.
Për zhvillimin e vendit nuk mjaftojnë veç fjalët, por veprimi me përgjegjësi! /2LONLINE.com/