Karton i Kuq edhe për arbitrin!

Arbitri anësor kishte pasur një fjalosje me një futbollist, ndërsa ai kryesor vendosi të ndëshkojë të dy me karton të kuq.

Një situatë e pashënuar deri më tani në histori të futbollit është regjistruar në Serbi, gjatë një ndeshje të futbollit të kategorive të ulëta.

Arbitri kryesor i ndeshjes ka përjashtuar nga loja asistentin e tij!

Rasti ka ndodhur në kategorinë komunale të Lazarevcit, ndërmjet skuadrave Dimitrije Tucoviq dhe Rudar i Zeokut, shkruan sporti1.com.

Arbitri Marka Jakovljeviq, pas një fjalosje ndërmjet futbollistit Gjorgje Jakovleviq dhe asistentit të tij, Milosh Pavloviq ka vendosur të përjashtojë nga loja të dytë, për të mos ardhur deri te një përleshje fizike ndërmjet tyre.