Kapen me drogë preshevari dhe bujanocasi

Policia kufitare në pikën Kelebia ka arritur që të kapë dy persona që kontrabandoninë drogë të llojit heroinë nga Serbia në Hungari. Me një kilogram drogë janë arrestuar A.H. nga Presheva dhe S.A. nga Bujanoci.

Gjatë kontrollimit në makinën “BMW 535” të cilin e drejtonte A.H. është gjetur një kilogramë heroinë, në dy paketime në pjesën e përparme të makinës, nën filtrin e ajrit, thuhet në njoftimin e Ministrisë së Punëve të Brendshme të Serbisë, transmeton Titulli.

Të dyshuarve i është caktuar masa e paraburgimit deri në 48 orë dhe ata, me paraqitjen për vepër penale, do të dalin para prokurorisë së lartë publike në Suboticë.

Këtë aksion të dielën e kanë ndërmarrë pjesëtarët e policisë kriminale, me asistim të policëve kufitar, thuhet në njoftim