/2L ONLINE/ – Autoritetet Policore kanë bërë me dije se në rrugën “Mustafë Koka”, në Viti, janë arrestuar dy të dyshuar, pasi që të njëjtit janë hasur duke bëre shitblerje të substancave narkotikëve të llojit marihuanë.
Me vendim të prokurorit është kontrolluar shtëpia e njërit nga të dyshuarit, me ç’rast janë gjetur dhe konfiskuar : një revole TT me një karikator, 13 fishekë, një mulli për bluarjen e marihuanës, dy telefona mobilë, 31 gramë substancë e dyshuar narkotike e llojit hashash, një thithëse të argjilës, para të gatshme 950 euro me bankënota të ndryshme, 34 paketime rizlla për mbështjellje.
Në raportin e policisë thuhet se pas gjetje së këtyre gjësendeve me vendim të prokurorit të dyshuarit dërgohen në mbajtje. /2L ONLINE/
fotoilustrim
