Kanë përfunduar punimet në 13 rrugë të Hodonocit, ndërsa dy rrugë të tjera janë aktualisht në proces të asfaltimit

Drejtori i Investimeve Kapitale, Blerim Murina, së bashku me ekipin e tij, kanë dalë në terren dhe kanë bërë nga afër inspektimin e punimeve në lokalitetin e Hodonocit, si e pjesë e investimeve që po realizohen në vazhdimësi në lokalitete të ndryshme të Komunës së Kamenicës.

Në Hodonoc janë përfunduar punimet në këto rrugë:  Rruga “Nuhi Morina”, Rruga “Ismajl Haki Morina”,  Rruga “Xhevat Dërmaku”, Rruga “Halit Morina”, Rruga “18 Qershori”, Rruga “Hamdi Basha”, Rruga “Musa Morina” – degëzimi 1, Rruga “Libinoci” – degëzimi 1, Rruga “Basha”, Rruga “Bujanoci” – degëzimi 1, Rruga “Bujanoci” – degëzimi 2, Rruga “Bujanoci” – degëzimi 3, Rruga “Brigada 134 Bedri Shala” – degëzimi 1

Ndërkaq, punimet janë duke vazhduar në dy rrugë të tjera: • Rruga “Brigada 128 Sali Saramati”, Rruga “Zona Operative e Dukagjinit”.

Vlera e investimit për asfaltimin e këtyre rrugëve kap shumën prej 272,944.16 euro.

Nga ana e tij, kryetari i Komunës së Kamenicës, Kadri Rahimaj, gjatë njoftimit për qytetarët, ka theksuar se investimet në infrastrukturën rrugore janë pjesë e angazhimit të Komunës për përmirësimin e kushteve të jetesës dhe zhvillimin e barabartë të të gjitha lokaliteteve.

“Po vazhdojmë me investime konkrete në infrastrukturë, sepse përmirësimi i rrugëve nënkupton më shumë qasje, siguri dhe zhvillim për qytetarët tanë. Angazhimi ynë do të vazhdojë në të gjitha lokalitetet, pa dallim”, ka thënë Rahimaj.

Sipas tij, Komuna e Kamenicës do të vazhdojë realizimin e projekteve infrastrukturore, me fokus në përmirësimin e infrastrukturës publike dhe krijimin e kushteve më të mira për qytetarët. /2LONLINE/