Kandidatura ime nuk është thjesht një garë politike, është një mision për të sjellë zërin e rinisë në vendimmarrje
”Kandidatura ime për Asamblenë Komunale nuk është thjesht një garë politike – është një mision për të sjellë zërin e rinisë në vendimmarrje, thotë Jon Veseli, kandidat i Aleancës për Ardhmërinë e Kosovës (AAK), për anëtar të Kuvendin Komunal të Gjilanit
Ai tha se rinia e Gjilanit ka energjinë, idetë dhe talentin për të zhvilluar qytetin tonë – por shpesh mungon mbështetja. Veseli beson se është koha që rinia të ketë zë të fuqishëm në vendimmarrje.
“Si student i Fakultetit të Mjekësisë dhe kryetar i Forumit Rinor të AAK-së në Gjilan, unë e di se çfarë sfidash përballim çdo ditë: mungesë hapësirash për zhvillim, vështirësi në arsimim, transport dhe shumë pak mbështetje për idetë e reja”, thotë Jon Veseli.
Ai tha se garanton që zëri i rinisë do të dëgjohet fuqishëm në Asamblenë Komunale.
“kjo do të ndodh sepse unë vij nga rinia, jam pjesë e saj. Me rininë, për rininë – Dritë për Gjilanin”, thotë Jon Veseli, kandidat i AAK-së në garën për Kuvendin Komunal të Gjilanit.