Kampioni aktual e nis stinorin pranveror me fitore

Stinori pranveror në Albi Mall Superligën e Kosovës ka nisur këtë të shtunë me tri ndeshje të xhiros së 19-të, duke përfshirë këtu edhe ndeshjen Ferizaj – Drita, që i ka takuar gjilanasve, që me një fitore minimale, por të vlefshme për tri pikë, ka regjistruar nismë të mbarë të këtij stinori, në drejtim të objektivit, që është titulli i kampionit.

Golin e vetëm të ndeshjes e realizoi Kristal Abazaj në minutën e 49-të të takimit.

Tani, Drita është në vendin e tretë në tabelë me 32 pikë, një më pak se Ballkani dhe Prishtina.

Përndryshe, ndeshjet tjera të kësaj xhiroje luhen të dielën kur veçojmë ndeshjen e skuadrës tjetër gjilanase, SC Gjilani që pret në shtëpi, skuadrën e Ballkanit.  /2LONLINE/