Kamenicës po i ikin të rinjtë

Komuna e Kamenicës është prekur mjaftë nga vala e emigrimeve. Shumë të rinj nga qyteti, por më shumë nga fshatrat në mënyrë të organizuar kanë braktisur këtë komunë, duke mos parë asnjë mundësi punësimi e perspektive.

Ndonëse, organet komunale nuk kanë dhënë ndonjë shifër të braktjes së Kamenicës nga popullata e saj, mendohet se numri është i madh.

Vetëm drejtoria e Arsimit, është organi i cili ka dalë me statistika deri më tash. Drejtori i Arsimit, Agim Shkodra ka thënë se janë mbi 60 nxënës që janë braktisur shkollimin, nga të gjitha nivelet, transmeton Radio 24

Papunësia, varfëria, gjendja e rëndë sociale, mungesa e perspektivës, janë arsyet që Kamenica po braktiset cdo ditë nga njerëzit e saj, dhe destinacioni i tyre nuk është vetëm BE-ja, por edhe qytetet e tjera më të zhvilluara të Kosovës.