Kamenicë: Vazhdohet afati për të aplikuar për grante

/2L ONLINE/ – Drejtoria për Ekonomi, Zhvillim dhe Diasporë në Kamenicë ka bërë të ditur se është vazhduar edhe për disa ditë afati i aplikimit për grantet që ofron Unioni Evropian përmes Agjencionit Zhvillimor Rajonal. Drejtuesit e kësaj drejtorie ftojnë bizneset të interesuara të aplikojnë për grantet që ofron Unioni Evropian përmes Agjencionit Zhvillimor Rajonal (ARDA),se afati i aplikimit është vazhduar deri më datë 25 Maj 2016 ne ora 16:00.

Siç dihet, asociacioni i Agjencive për Zhvillim Rajonal (ARDA) ka lansuar Skemën e Granteve për Zhvillimin e Sektorit Privat të financuar nga BE, e cila ka për synim t’i ofrojë mbështetje ndërmarrjeve ekonomikisht të qëndrueshme dhe krijimit e vendeve të reja të punës dhe të ofrojë mbështetje financiare në themelimin e ndërmarrjeve të reja private apo zgjerimin e ndërmarrjeve të vogla ekzistuese.

Arsyeja e vazhdimit të afatit për aplikim është ndryshimi i disa procedurave të brendshme të ARDA-së,por gjithashtu edhe t’u jepet mundësia bizneseve që kanë aplikuar të mund të korrigjojnë aplikacionet e tyre dhe t’i ri-dorëzojnë si dhe për ato që nuk kanë mundur të aplikojnë ta bëjnë atë deri me datën 25 Maj. /2L ONLINE/