Kamenicë: Rendimenti mesatar i grurit, 3.600 kg/ ha

/2L ONLINE/ – Procesi i korrje – shirjeve në komunën e Kamenicës ka zgjatur rreth 18 ditë. Sipërfaqet e korrura për këtë vit kanë qenë: grurë 1700 ha. elb 70 ha. tërshërë 20 ha. si dhe trotikall 30 ha.

Sipas, Komisionit komunal të korrje-shirjeve, rendimenti mesatar i grurit ka qenë 3.600 kg./ ha. te elbi 2.800 kg/ha. te tërshëra rreth 1.800 kg/ha. si dhe te Trotikalli rreth 4.500 kg/ ha.

Të gjitha sipërfaqet e korrura me këto kultura i kanë takuar sektorit privat. Vlen të theksohet, se këtë vit, rendimentet kanë qenë më të ulëta, kurse cilësia e grurit ka qenë më e mirë.

Në procesin e korrje-shirjeve në komunën e Kamenicës, këtë vit kanë qenë të përfshirë rreth 29 autokombajna. Edhe këtë vit sikurse viteve tjera korrje-shirjet janë përcjellë dhe janë zhvilluar në bazë të programit të korrje-shirjeve të hartuar nga Drejtoria e Bujqësisë, Pylltarisë dhe Zhvillimit Rural, si dhe rregullores komunale për korrje-shirje. /2L ONLINE/