Kamenicë: Pajisje bujqësore përfitojnë edhe 35 fermerë

22.12.2020 - 19:05 2 minuta lexim

Drejtoria e Bujqësisë, Pylltarisë dhe Zhvillimit Rural edhe sot ka bërë shpërndarjen e pajisjeve bujqësore për 35 fermerë të Kamenicës.

I pari i komunës, Qëndron Kastrati, ka uruar fermerët për përfitimin e këtyre pajisjeve.

“Edhe 35 fermerë nga Kamenica, përfituan pajisje bujqësore për ushtrimin e veprimtarisë së tyre. Sot bashkë me drejtorin e Bujqësisë, Naim Arifin dhe stafin e kësaj drejtorie, kemi shpërndarë 15 kositëse bari dhe 20 mbledhëse bari. Ndërkaq, para pak ditësh kemi ndarë paisje bujqësore edhe për 40 fermerë Urime përfituesve, e ne vazhdojmë me punë”, ka thënë ai.

Edhe drejtori i Drejtorisë së Bujqësisë, Pylltarisë dhe Zhvillimit Rural, Naim Arifi, ka thënë se në vazhdimësi janë duke i mbështetur fermerët.

“Qytetarët e komunës sonë, janë proritet i yni, andaj çdo ditë angazhohemi që t’u ofrojmë kushtet bazë për lehtësimin e punëve të tyre. Urime të gjithë fermerëve”, u shpreh ai.

Ndryshe Drejtoria e Bujqësisë ka shpërndarë pajisje bujqësore ditë më parë edhe për 40 fermerë të Kamenicës. /2LONLINE.com/