Kamenicë: Mbahen garat regjionale të futsallit

Në sallën e sportit në Kamenicë janë mbajtur garat regjionale të futsallit, në kuadër të organizimit nga Federata e Sportit Shkollor e Kosovës. Në këtë aktivitet sportiv morën pjesë nxënës nga komunat e Gjilanit, Kamenicës dhe Vitisë, duke sjellë ndeshje të forta dhe konkurrencë të lartë.

Në kategorinë e shkollave të mesme të ulëta, tek vajzat vendin e parë e zuri SHFMU “Selami Hallaqi” nga Gjilani, e ndjekur nga SHFMU “Dëshmorët e Lubishtës” nga Vitia në vendin e dytë, ndërsa vendi i tretë i takoi SHFMU “Sadri Misini” nga Kamenica.

Në konkurrencën e djemve, vendi i parë shkoi për SHFMU “Metush Krasniqi” nga Kamenica, vendi i dytë për SHFMU “Thimi Mitko” nga Gjilani, ndërsa i treti për SHFMU “Bafti Haxhiu” nga Vitia.

Sa i përket shkollave të mesme të larta, në kategorinë e vajzave triumfoi Gjimnazi i Shkencave Natyrore “Xhavit Ahmeti” nga Gjilani, ndërsa vendin e dytë e zuri SHML “Kuvendi i Lezhës” nga Vitia dhe vendin e tretë SHML “Sejdi Kryeziu” nga Kamenica.

Në konkurrencën e djemve, vendi i parë i takoi SHML “Kuvendi i Lezhës” nga Vitia, vendi i dytë SHML “Andrea Durrsaku” nga Kamenica, ndërsa vendi i tretë SHML “Zenel Hajdini” nga Gjilani.

Kjo ishte gara e parafundit regjionale për vitin garues 2025/2026, ku u karakterizua me ndeshje cilësore dhe rivalitet të madh ndërmjet ekipeve pjesëmarrëse.

Organizatorët shprehën mirënjohje për Drejtorin e DKRS-së, z. Afrim Dervishi, për prezencën dhe mbështetjen, si dhe për QKMF-në në Kamenicë dhe stafin e Sportit Shkollor Kamenicë për kontributin në organizimin e suksesshëm të këtij aktiviteti. /2LONLINE/