Kamenicë: Fushata e korrje-shirjeve po vazhdon

/2L ONLINE/ – Ndonëse disa parcela ishin korrur para ca ditëve, megjithatë zyrtarisht, fushata e korrje-shirjeve në Komunën e Kamenicës ka nis me të korrura të grurit në fshatin Topanicë – Lagjja e Muhaxhirëve.

Këtë vit në Komunën e Kamenicës ishin të mbjella rreth 1,800 ha, grurë, 50 ha. me elb dhe 35 ha. me trotikall. Për fushatën e korrje – shirjeve në komunën e Kamenicës janë të angazhuara rreth 35 autokombajna .

Me vazhdimin e fushatës së korrje – shirjeve komisioni vazhdon që të bëj përcjelljen e këtij procesi që është aq shumë i rëndësishëm për këtë fushatë, e sidomos përcjellja dhe ruajtja për mos humbjen e drithërave, respektimin e rregullores komunale dhe rendit të korrje-shirjeve, si dhe ndërmarrjen e masave parandaluese kundër zjarrit.

Gjatë vizitës në terren dhe informatave nga terreni, rendimenti varësisht prej fermerit (bujkut) dhe varieteteve të farërave ,sillej rreth 4,000 – 4,500 kg / ha. me grurë , rendimenti i elbit sillej 3,500 – 4,000 kg / ha. dhe trotikalli 5,000 kg. / ha. /2L ONLINE/