Kamenicë: Feston me armë, predha godet një femër
/2L ONLINE/ – Policia e Kosovës në Kamenicë është informua për një rast gjuajtje me armë zjarri. Njësitet patrulluese ju kanë përgjigj thirrjes dhe me urgjencë kanë dalë në vendin e ngjarjes. Nga hetimet e para mësohet se, i dyshuari,me banim rezident në Fshatin Karaqevë e Epërme, Komuna Kamenicë, deri sa ishte nё njё aheng familjar, kishte marrë armёn e zjarrit, AK-47, dhe në mënyrë të pakontrolluar kishte shtёnё dy herë ku njё predhё kishte depërtuar përmes dritares, nё shtёpinё tё kushëririt dhe kishte goditur nё pjesën e pasme tё krahërorit viktimёn femër.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se viktima ёshtё dërguar në Spitalin Rajonal të Gjilanit. Fatmirësisht gjendja e saj shëndetësore sipas raportit të mjekut është në përmirësim. Në vend ngjarje janë gjet dy gëzhoja.
Zëdhënësi Hashani tha se në vendin e ngjarjes kanë dalë edhe njësitet e hetimeve Rajonale, ku është bërë procesimi i vendit të ngjarjes, është konfiskuar arma e llojit AK-47 (pa numër) me një karikator i zbrazët dhe dy gëzhoja të kalibrit 7.62 mm që dyshohet të jetë përdorur në vend të ngjarjes. Janë intervistuar familjarët në prezencë të prokurorit të shtetit , është arrestuar i dyshuari dhe është intervistuar në prezencë të avokatit mbrojtës. Me urdhër të prokurorit të shtetit lënda procedohet në Gjykatë”.
“Edhe përkundër apeleve dhe kampanjave vetëdijësuese nga ana e Policisë së Kosovës, po ka raste kur nëpër ahengje dhe gazmende familjare fatkeqësisht po përdoren armë. Policia e Kosovës gjatë gjithë vitit po vazhdon kampanjën vetëdijësuese “Festo me zemër pa armë”. Përdorimi i armëve nga personat e paautorizuar është vepër penale dhe e dënueshme me ligj, në radhë të parë rrezikohen anëtarët e vetë familjes por edhe të tjerët”, ka thënë tutje zëdhënësi Hashani.
Sipas tij, Policia e Kosovës deri tani ka arritur t‘i lokalizojë disa raste të tilla dhe kallëzimet penale për përdorim të armëve nëpër ahengje familjare janë dërguar në Gjykatë, policia do të jetë e përkushtuar në zbatim të ligjit dhe për krijimin e një ambienti të qetë dhe të sigurt. /2L ONLINE/
fotilustruese