Kamenicë: Aktivitete që ndërthurnin stand-up comedy, pikturën dhe fotografinë

“Mbrëmë, amfiteatri i Shtëpisë së Kulturës në Kamenicë u mbush me të qeshura, art dhe momente të bukura, përmes një aktiviteti që ndërthurte stand-up comedy, pikturën dhe fotografinë”, njofton Komuna e Kamenicës.

Publiku pati mundësinë të shijonte një program të veçantë humoristik nga komedianët Lulzim Bucolli, Rron Rama, Ernest Zymberi dhe Avni Shkodra, të cilët sollën humor, energji dhe shumë të qeshura për të pranishmit.

Në kuadër të aktivitetit u prezantua edhe një ekspozitë me piktura dhe fotografi, duke e kthyer hapësirën në një pikëtakim të bukur mes artit pamor dhe humorit.

I pranishëm ishte edhe kryetari Rahimaj, i cili përshëndeti të pranishmit dhe falënderoi komedianët për programin e sjellë për publikun e Kamenicës.  /2LONLINE/