Kamenica pajiset me autoambulancë të re

Kryetari i Komunës së Kamenicës, Kadri Rahimaj, ka bërë të ditur se qyteti tashmë është pajisur me një autoambulancë të re, që do t’u shërbejë qytetarëve për raste emergjente shëndetësore.

“Ky është shteti që vjen deri te dera e qytetarit, kujdes më i shpejtë, jetë më të sigurta,” është shprehur kryetari Rahimaj.

Ai ka falënderuar Ministrin e Shëndetësisë, Arben Vitia, për bashkëpunimin.

Me këtë hap, komuna synon të përmirësojë infrastrukturën shëndetësore dhe t’u ofrojë qytetarëve shërbime më të shpejta e më efikase. /2LONLINE/