Kamenica ka ripërtërirë Marrëveshjen e Bashkëpunimit me Organizatën TOKA
Komuna e Kamenicës ka ripërtërirë Marrëveshjen e Bashkëpunimit me Organizatën TOKA, duke vazhduar kështu partneritetin e suksesshëm në fushën e edukimit dhe rinisë.
Në një ceremoni zyrtare, Drejtori i Drejtorisë Komunale të Arsimit, Selami Klaiqi, së bashku me përfaqësuesit e Organizatës TOKA, nënshkruan marrëveshjen e re për bashkëpunim, e cila do të jetë në fuqi për katër vitet e ardhshme.
Drejtori Klaiqi, ka njoftuar qytetarët se kjo marrëveshje synon realizimin e projekteve të ndryshme që kontribuojnë në edukimin cilësor dhe fuqizimin e të rinjve në Komunën e Kamenicës, duke krijuar mundësi të reja për zhvillim personal dhe profesional të tyre.
Po ashtu, gjatë këtij takimi një falënderim nga të dyja palët është bërë edhe për Kryetarin e Komunës, Kadri Rahimaj, duke shprehur mirënjohje të veçantë për mbështetjen e vazhdueshme dhe përkushtimin në avancimin e bashkëpunimeve që ndikojnë drejtpërdrejt në mirëqenien dhe zhvillimin e të rinjve.
Sipas Drejtorit Klaiqi, ky bashkëpunim dëshmon angazhimin e përbashkët për ndërtimin e një të ardhmeje më të mirë për gjeneratat e reja. /2LONLINE/