DYLON

Kamenica do ta zgjedh shkollën me performancë më të mirë, stafi i saj do të shpërblehet me një udhëtim jashtë vendit

Kamenica do ta zgjedh shkollën me performancë më të mirë, stafi i saj do të shpërblehet me një udhëtim jashtë vendit
Redaksia

Komuna e Kamenicës do ta zgjedh shkollën me performancën më të mirë, viti shkollor 2026/27 dhe  stafi i saj do të shpërblehet me një udhëtim jashtë vendit

Me vendim të Drejtorit të Arsimit, Selami Klaiqi u themelua Ekipi Profesional që të zhvillojë procedurat për zgjedhjen e shkollës më performancën më të mirë.

EkoHigjiena

Ky ekip në përbërje ka anëtarë të brendshëm të DKA-së, nga Këshilli i Prindërve dhe njohës të Arsimit. Sabit Zylfijaj, Fatlind Morina, Ramadan Guda, Nexhat Rexha, Shefik Rrudhani.

“U mbajt takimi i këtij ekipit për të hartuar planin e punës, ku në fund të këtij procesi stafi i shkollës më të mirë do të shpërblehet nga Kryetari i Komunës Kadri Rahimaj me një udhëtim jashtë vendit”, thuhet në njoftimi ne DKA-së së Kamenicës.

Gjatë takimit u diskutuan kriteret e vlerësimit, treguesit e performancës dhe rëndësia e një procesi transparent e profesional, me qëllim identifikimin dhe vlerësimin e praktikave më të mira në institucionet tona arsimore.

“Vlerësimi i performancës është një hap i rëndësishëm drejt promovimit të cilësisë, llogaridhënies dhe përmirësimit të vazhdueshëm të arsimit. Suksesi i shkollave është suksesi i gjithë sistemit tonë arsimor”, thuhet në fund të njoftimit.  /2LONLINE/

Privatësia

Kjo faqe interneti përdor cookie në mënyrë që t'ju ofrojmë përvojën më të mirë të mundshme si përdorues. Informacioni i cookie-ve ruhet në shfletuesin tuaj dhe kryen funksione të tilla si njohja juaj kur ktheheni në faqen tonë, si dhe ndihmon ekipin tonë të kuptojë se cilat seksione të faqes ju duken më interesante dhe më të dobishme.