Kamencia përzgjidhet për një projekt nga programi i USAID-it

/2L ONLINE/ – Kryetari i Komunës së Kamenicës Begzad Sinani sot ka takuar përfaqësuesit e USAID- KCBS në implementimin e projektit gratë në biznes për Komunën e Kamenicës. Në këtë takim u bisedua për bashkëpunimin në mes të Komunës dhe USAID- KCBS për përkrahjen e grave që merren me biznes.
Përfaqsuesit e USAID- KCBS thanë se kanë kontaktuar shumë biznese që udhëheqen nga gratë në Komunën e Kamenicës dhe kanë identifikuar problemet që i kanë ato që merren me biznes dhe kanë njoftuar që Komuna e Kamenicës është përzgjedhur të implementohet ky projekt nga programi i USAID.

Kryetari Sinani falënderoi përfaqësuesit e këtij projekti për përzgjedhjen e Komunës së Kamenicës ne do të ofrojmë bashkëpunimin tonë në mënyrë që të krijojmë lehtësira dhe mundësi për ato gra që kanë biznese dhe mendojnë të hapjen e tyre.

Komuna e Kamenicës është e përkushtuar që të krijojë kushte dhe mundësi më të mira për të gjithë bizneset dhe do të jetë në përkrahje të tyre. /2L ONLINE/