Kajtazi: Çdo veprim i “mprehët” pa marrëveshje me NATO-në, rrezikon sovranitetin

Të bërit opozitë nuk duhet të kaloj në hipokrizi, opozita thotë se është shkelje e kushtetutës mos prezenca e FSK, apo Ushtrisë së ardhshme të Kosovës në veri, por ajo harron se edhe Serbia është duke e shkelur kushtetutën, sepse në kushtetutën e Serbisë, Kosova është pjesë shtetësisë serbe, thotë njohësi i çështjeve të sigurisë Fadil Kajtazi, për Bota sot.

“Të sulmosh në këtë pikë tani është përrallë dhe kjo opozitë përralla nuk ka kujt t’i tregoj, ato a fëmijët më nuk i dëgjojnë. Ajo që është për tu kritikuar në këtë drejtim është zhvillimi i ngadaltë i institucioneve tona të sigurisë të cilat në kuantitet janë plotësuar, por në kualitet lenë shumë për të dëshiruar. Ato në vend se të zhvillohen me shpejtësi, u mbërthyen nga nepotizmi, militantizmi partiak ku përgjegjësia më së shumti ju bie bllokut të partive politike të quajtura si “krahu i luftës” në të cilën bën pjesë e dhe opozita e sotme”, thotë Kajtazi.

Ai thekson se Kosova është shtet i krijuar nga një marrëveshje ndërkombëtare dhe atë kryesisht e shteteve të përfshira ne NATO.

“Njëhërit këto shtete janë edhe garant i shtetësisë së Kosovës dhe çdo veprim i “mprehët” pa marrëveshje me NATO-në, do të rrezikonte vërtete sovranitetin e vendit. E rëndësishme është që në veri nuk është ushtria serbe. Logjika e opozitës së tanishme në këtë drejtim është primitive dhe nëse ajo vije në pushtet dhe vepron me këtë logjikë, sovraniteti i Kosovës do të reduktohet në “Pashallëkun e Prishtinës””, thekson ai.

Njohësi i çështjeve të sigurisë, Fadil Kajtazi, thotë se, se qeverisjet e kaluara kanë menaxhuar keq këtë proces dhe ka vend për kritika, por natyrisht që duhet dhen edhe alternativa e që opozita duhet ta bëj. Konfrontimi me bashkësinë ndërkombëtare është dëshirë e politikës serbe.