Kafshimi i maces i rrezikshëm!

Edhe pse mund të mos besoni, kafshimi i maces mund të jetë aq serioz sa të përfundoni në spital.

Një studim ka treguar se macet mund t’i bartin bakteret thellë në nyje dhe inde, ashtu që një kafshim i cili në shikim të parë mund të duket i parrezikshëm, mund të bëhet shumë serioz për shkak të paraqitjes së infeksionit.

Shkencëtarët i këshillojnë të gjithë se nëse i kafshon macja, duhet të kërkojnë ndihmë mjekësore. Sidomos të kujdesshme duhet të jenë femrat e moshës së mesme, sepse në bazë të statistikave, ato janë viktimat më të shpeshta.

Kafshimet e maceve janë aq të rrezikshme saqë një nga tre të kafshuar doemos duhet të hospitalizohen, kurse dy të tretat e atyre që shtrihen në spital duhet të operohen.

Personat që macja i ka kafshuar në nyjat e duarve janë më të rrezikuar në raport me ata që janë kafshuar në indet e buta.

Dhëmbët e maceve depërtojnë më thellë se dhëmbët e qenve, ashtu që mund të dërgojnë në organizëm baktere, të cilat shumë vështirë luftohen edhe me antibiotikët më të fortë.

Prandaj, plagët nga kafshimi i maces duhet të merren menjëherë seriozisht dhe të trajtohen fuqishëm.