Kadriu: Zijadin Maliqi ishte njeri i përkushtuar në punë për të mirë të qytetarëve

Ish nënkryetari i Komunës së Gjilanit, tanë zëvendësministër, Rexhep Kadriu, ka ngushëlluar familjen Maliqi, pas ndarjes nga jeta të drejtorit për Buxhet, Zijadin Maliqi.

Kadriu e ka vlerësuar Maliqin një njeri të devotshëm e të përkushtuar për punën në të mirë të qytetarëve.

Ja fjalët e plota ngushëlluese të Kadriut.

***

Me pikëllim mora lajmin për ndarjen nga jeta të Zijadin Maliqit, një bashkëpunëtor i devotshëm në institucione komunale në Gjilan, njeri i përkushtuar për punën në të mirë të qytetarëve.

Zijadini edhe pse më jo fizikisht mes nesh, do të mbetet përgjithmonë model i një njeriu të urtë, profesionisht dhe i dashur me të gjithë.

Ngushëllime familjes Maliqi, kryetarit të Gjilanit, Lutfi Haziri, miqve dhe bashkëpunëtorëve të Zijadinit.

U prehsh në paqe, mik!