Kadriu-Qerimi: Lajm i mirë për banorët e fshatit Pogragjë, ambulanca do të ketë ujë të pijes

“Pas një kohe të gjatë me mungesë të ujit të pijes, sot ka filluar hapja e pusit të ri për nevojat e ambulancës në Pogragjë”, tha Mimoza Kadriu Qerimi drejtoreshë e Drejtorisë për Shëndetësi dhe Mirëqenie Sociale, në Komunën e Gjilanit.

Ajo theksoi se ky projekt jetik, që po realizohet me mbështetjen e Islamic Relief, do të sigurojë furnizim më të qëndrueshëm me ujë për shërbimet shëndetësore dhe pacientët e kësaj zone.

“Një investim tejet i rëndësishëm për funksionimin më të mirë të ambulancës dhe përmirësimin e kushteve për qytetarët që marrin shërbime aty”, tha Kadriu.

Drejtoresha e DShMS-së, falënderoi përfaqësuesit e Islamic Relief për kontributin që ky projekt kaq i nevojshëm të bëhet realitet.  /2LONLINE/