Kadriu i AAK-së: Jemi koalicioni më i mirë, shembull për krejt Kosovën

/2L ONLINE/ – Sot kur po bëhen, dy vite që kur pushtetin në Komunën e Gjilanit e mori LDK me partnerët e saj, vlerësimi pozitiv vije edhe prej AAK-së që është bashkëpjesëmarrëse në qeverisje me komunë. I pari i AAK-së së Gjilanit, Rexhep Kadriu, që njëherësh është edhe nënkryetar i komunës, pasi subjekti i tij është partneri kryesor i LDK-së në këtë bashkëqeverisje me Gjilanin, vlerëson se këto dy vite ishin vite të një qeverisje të mirë.

Madje, ai i quajti këto dy vite të qeverisjes, si vite të qeverisjes së besimit, të qeverisjes për qytetarët dhe të qeverisjes me duar të pastra. Kadriu ka thënë se kur e morën pushtetin për të qeveris me Gjilanin u ballafaquan me sfida të shumta sepse kur e morën gjendja ishte e shkapërderdhur nga qeverisja e kaluar, kishte plotë projekte të lëna përgjysmë, të pafilluara, të pambaruara dhe plotë defekte tjera, por se ky koalicion aktual u tregua i suksesshëm dhe i vuri në binarë gjërat.

“Jemi koalicioni që ka qeverisë mirë dhe se ky koalicion është shembull për tërë Kosovën”, ka thënë nënkryetari i komunës Rexhep Kadriu, për të numëruar pastaj, të gjitha punët e mira, që sipas tij, janë bërë në këto dy vite. Ai tha se janë bërë investime të mëdha, në infrastrukturë dhe segmente tjera sikurse asnjëherë më parë, po ndërtohet një Gjilan i ri në këtë qeverisje dhe shtoi se Gjilanin e presin investime edhe më të mëdha përgjatë vitit 2016. /2L ONLINE/