DYLON

Kadriu ankohet për pirjen e duhanit në ambiente të mbyllura dhe mos reagimin e institucioneve perkatëse

Kadriu ankohet për pirjen e duhanit në ambiente të mbyllura dhe mos reagimin e institucioneve perkatëse
Redaksia

Kushtrim Kadriu, anëtar i Kuvendit Komunal të Gjilanit ka ngritur shqetësimin e tij se në Gjilan, në ambientet e mbyllura, në të shumtën e rasteve, nuk po ndalohet pirja e duhanit dhe është bërë pothuajse e pamundur të dalësh për një kafe nga tymi i tmerrshëm, ndërkohë që institucionet përkatëse dhe përgjegjëse për me e zbatua ligjin që e ndalon pirjen e duhanit brenda hapësirave të mbyllura, nuk po reagojnë.

“A ka mbetur ndonjë inspektor në këtë qytet që e ndalon pirjen e duhanit në ambiente të mbyllura? A e dini se ligji po shkelet hapur? Në shumicën e qyteteve të Kosovës, një gjë e tillë nuk tolerohet, ndërsa në qytetin tonë është bërë pothuajse e pamundur të dalësh për një kafe nga tymi i tmerrshëm i duhanit”, ka thënë Kadriu i Levizjës Qytetare “Vatra”.

EkoHigjiena

Ai ka pyetur se ku janë inspektorët, ku janë institucionet përgjegjëse për zbatimin e ligjit?!

“Sinqerisht, që nga nesër do të konsultohem me avokatë të vyer të qytetit tonë për të shqyrtuar mundësinë e nisjes së procedurave ligjore ndaj kësaj katrahure në qytetin tonë”, ka thënë kuvendari Kushtrim Kadriu.  /2LONLINE/

Privatësia

Kjo faqe interneti përdor cookie në mënyrë që t'ju ofrojmë përvojën më të mirë të mundshme si përdorues. Informacioni i cookie-ve ruhet në shfletuesin tuaj dhe kryen funksione të tilla si njohja juaj kur ktheheni në faqen tonë, si dhe ndihmon ekipin tonë të kuptojë se cilat seksione të faqes ju duken më interesante dhe më të dobishme.