Kadetët e QSU pjesë e garës “Sandhurst Military Skills Competition” në West Point, ShBA

Kadetët e Qendrës për Studime Universitare (QSU) morën pjesë për herë të parë në garën prestigjioze ndërkombëtare ‘Sandhurst Military Skills Competition’ në West Point, SHBA! Ky ishte një moment i veçantë për të treguar aftësitë e tyre ushtarake, për të përballuar sfida të vërteta dhe për të punuar si një ekip i bashkuar.

Gjatë kësaj eksperience të jashtëzakonshme, kadetët tanë u përballën me skenarë të ndryshëm që kërkonin vendosmëri, shkathtësi dhe vendime të shpejta. Ata patën gjithashtu mundësinë të mësojnë nga kolegët e tyre ndërkombëtarë dhe të krijojnë lidhje të reja me pjesëmarrës nga e gjithë bota.

‘Sandhurst’ është shumë më tepër se një garë – është një platformë për bashkëpunim, për ndarjen e vlerave dhe për forcimin e miqësive mes akademive ushtarake. Pjesëmarrja në këtë aktivitet është një hap i madh përpara dhe një motivim i fortë për sfidat e ardhshme. /2LONLINE/