Kadaj-Bujupi:Populli do t’ia kthejë shpinën kësaj Qeverie

Donika Kadaj-Bujupi, shefe e grupit parlamentar të AAK-së në tubimin me qytetarë ka thënë se opoziten e bashkuar nuk mund ta ndal as shiu, derisa ka treguar se gazi lotsjellës ishte e vetmja mënyrë për ta ndarë Zajdenicën dhe Demarkacionin.

“Kur e pashë që ishte mot me shi u shqetësova se mos ndoshta s’do të vi askush por po e shoh që opozitën e bashkuar nuk mund ta ndalë askush. Gazi lotsjellës ishte e vetmja mënyrë për ta ndarë Zajdenicën dhe Demarkacionin. Ne arritëm që ti ndalnim dy marrëveshjet”, ka thënë ajo.
Bujupi ka thënë se populli do t;ia kthej shpinën kësaj qeverie, sic ka thënë ajo, antikushtetuese, raporton Indeksonline.

“Ne bashkë ia dolëm t’i ndalim marrëveshjet dhe bashkë do ia dalim ta largojmë këtë qeveri. Do të vazhdojmë bashkë dhe më 17 shkurt i gjithë populli do ia kthej shpinën kësaj qeverie”, ka thënë Kadaj- Bujupi.