Ka përfunduar stërvitja ushtarake “Iron Support”

Regjimenti i parë i Forcave Tokësore, ka realizuar Ushtrimin Fushor “Iron Support”, në kuadër të përgatitjeve për ushtrimin “Defender Europe 23”

Qëllimi i ushtrimi ishte testimi i kapaciteteve të Kompanisë Mbështetëse të Regjimentit të parë në mbështetjen e operacioneve luftarake, me transport duke organizuar konvojë administrativ dhe luftarak, mirëmbajtje fushore nga niveli 1-4, furnizim me të gjitha klasat e furnizimit, shërbimet shëndetësore duke kryer evakuim emergjent (CASEVAC) dhe evakuim mjekësor (MEDEVAC), si dhe janë testuar kapacitetet fushore për jetesë në kushte fushimi.

Kompania Mbështetëse ka treguar gatishmëri të larte dhe aftësi për të mbështetur operacionet luftarake me shërbime logjistike.

Komandanti i Regjimentit u nda i kënaqur me të arriturat e kompanisë duke vlerësuar kontributin e secilit nënoficer dhe oficer për punën dhe angazhimin e tyre në përmbushje të misionit dhe detyrave në arritjen e qëllimit përfundimtarë të ngritjes së kapaciteteve mbrojtëse në të mirë të paqes dhe sigurisë në vend dhe më gjerë. /2LONLINE/