Ka përfunduar rregullimi i hapësirës për shitjen e deleve në “Tregun e Kafshëve”

NPL “Tregu”, Gjilan, ka bërë me dije se ka përfunduar me sukses rregullimin dhe sistemimin e hapësirës për shitjen e deleve në “Tregun e Kafshëve” në kuadër të investimeve kapitale dhe duke krijuar kushte më të mira, më të sigurta dhe më të organizuara për fermerët, blegtorët dhe blerësit.

Hapësira për shitblerjen e deleve tashmë është funksionale dhe e gatshme për shfrytëzim.

“Ftojmë të gjithë fermerët dhe blegtorët që të sjellin delet e tyre për shitje dhe të shfrytëzojnë këtë hapësirë të rregulluar sipas standardeve. NPL “Tregu” Sh.A vazhdon angazhimin për përmirësimin e vazhdueshëm të kushteve dhe shërbimeve në funksion të komunitetit dhe bujqësisë lokale”, thuhet në njoftimin e Ndërmarrjes Publike Lokale “Tregu”.  /2LONLINE/