Ka përfunduar asfaltimi i rrugës dhe i platosë para shkronjave të UÇK-së në Radivojc

Komuna e Vitisë përmes një njofitmi ka bërë me dije se “ka përfunduar me sukses punimet për asfaltimin e rrugës dhe asfaltimin e platosë para shkronjave të UÇK-së në Radivojc, si dhe në degëzimet e rrugës, në kuadër të përmirësimit të infrastrukturës rrugore”.

Po ashtu është bërë asfaltimi i rrugës deri te Varrezat e Reja, e cila lidhet me shtëpinë e përbashkët në lagjen “Aliaj” në Smirë.

Kryetari i Komunës së Vitisë, Sokol Haliti deklaroi se Komuna e Vitisë mbetet e përkushtuar në realizimin e projekteve me rëndësi të veçantë për qytetarët, duke përmirësuar qasjen, sigurinë dhe kushtet e përgjithshme të infrastrukturës.

“Faleminderit qytetarëve për bashkëpunimin dhe mirëkuptimin e treguar gjatë realizimit të këtyre punimeve”, thuhet në njoftim. /2LONLINE/