Ka ndërruar jetë mësuesi Burhanedin Salihu, kryetari i komunës së Gjilanit ngushëllon familjen e tij

Ka ndërruar jetë, në moshën 83 vjeçare, mësuesi Burhanedin Salihu, nga Përlepnica e Gjilanit. Kryetari i komunës së Gjilanit, Alban Hyseni ka ngushëlluar familjen e tij.

I ndjeri, ka punuar deri në pensionim (2009) mësimdhënës i ciklit klasor në shkollën fillore “Musa Zajmi” në Gjilan.

Ja deklarata ngushëlluese e kreut të Komunës së Gjilanit:

***

Me dhimbje morëm lajmin për ndarjen nga jeta të mësuesit tonë të respektuar, Burhanedin Salihu.

Mësuesi Burhanedin do të kujtohet gjithmonë si një edukator i palodhshëm që i dha shumë arsimit në Gjilan.

Në emrin tim dhe të Komunës së Gjilanit, ju shpreh ngushëllimet më të sinqerta familjes, kolegëve dhe të gjithë atyre që e njohën.

I përjetshëm qoftë kujtimi për të!