Ka ndërruar jetë ish-kryetari i Vitisë, Nexhmedin Arifi

Ka ndërruar jetë ish-kryetari i Komunës së Vitisë, Nexhmedin Arifi.

Lajmin e kanë bërë të ditur familjarët përmes rrjeteve sociale.

Arifi e drejtoi komunën e Vitisë për gjashtë vjet, nga viti 2007 deri në vitin 2013.

Ngushllime për familjen Atrifi ka shprehur edhe kryetari i komunës së Vitisë, Sokol Haliti.

Ja postimi i tij:

Me keqardhje të thellë morra lajmin për ndarjen nga jeta të ish-kryetarit të Vitisë, z. Nexhmedin Arifi.

Në këto çaste dhimbjeje dhe pikëllimi, dua të shpreh ngushëllimet më të sinqerta për familjen Arifi, miqtë, bashkëpunëtorët dhe të gjithë qytetarët e Vitisë që patën nderin ta njohin dhe ta kenë pranë si udhëheqës dhe bashkëqytetar.

Z. Arifi do të kujtohet për përkushtimin e tij ndaj komunës së Vitisë, për angazhimin e tij në shërbim të qytetarëve dhe për kontributin që dha në zhvillimin e vendit. Ai la pas një trashëgimi të respektit dhe punës së ndershme.

U prehtë në paqe, ndërsa kujtimi për të mbetet i gjallë në zemrat e atyre që e deshën dhe e vlerësuan.

Zoti e bekoftë dhe e ndriçoftë kujtimin e tij!

Me respekt
Sokol Haliti
Kryetar i Komunës së Vitisë!