Ka ndërruar jetë Enes Ajeti nga Gjilani, kryetari i komunës me telegram ngushëllimi

“Gjilani sot u zgjua me lajmin e rëndë për ndarjen nga jeta të Enes Ajetit. Ikja e tij e parakohshme na ka prekur të gjithëve”, ka thënë Alban Hyseni, kryetar i Komunës së Gjilanit, i cili ka dërguar një telegram ngushllimi si më poshtë:

Telegram ngushëllimi

Gjilani sot u zgjua me lajmin e rëndë për ndarjen nga jeta të Enes Ajetit. Ikja e tij e parakohshme na ka prekur të gjithëve.

Kam pasur fatin ta njoh Enesin për njeriun e mrekullueshëm që ka qenë, i respektuar, me zemër të madhe dhe koleg e mik i dashur për të gjithë ata që e njohën e patën fatin të punojnë me të.

Ngushëllimet më të sinqerta familjes Ajeti, të afërmve dhe miqve të tij. Kujtimi për Enesin do të mbetet gjithmonë me ne.

U prehtë në paqe.