Ka ndërruar jetë arsimtari Xhemajl Xhemajli

Ka ndërruar jetë në moshën 81 vjeçare, Xhemajl Xhemajli, një figurë e njohur në arsimin gjilanas.

Ai është vlerësuar për punën e tij si arsimtar në shkollën fillore “Abdullah Tahiri” në Malishevë të Gjilanit.

I ndjeri Xhemajl Xhemajli, më se 45 vite, me ditar në dorë, si arsimtar i ciklit të ulët të arsimit (arsimi fillor: klasat 1-5), kishte dhënë kontribut të çmuar në edukimin e këtyre brezave.

Përndryshe, i ndjeri është baba, i ish anëtares së Kuvendit Komunal të Gjilanit, Teuta Xhemajli Suliqi.

Njoftimin për vdekjen e tij e kanë dhënë familjarët.

***

“Me pikëllim të thellë ju njoftojmë se ka ndërruar jetë më i dashuri jonë babi Xhemajl Xhemajli.
Do të kujtojmë përjetë për shpirtin e bardhë e njerëzinë.
Për detajet e varrimit dhe të pamet, ju njoftojmë me kohë”, thuhet në njoftimin mortor. /2LONLINE/