Ka filluar vendosja e flamujve kombëtarë me rastin e Festës së 28 Nëntorit

Në kuadër të angazhimeve dhe përgjegjësive për mirëmbajtjen dhe menaxhimin e hapësirave publike në Komunën e Gjilanit, Ndërmarrja Publike Lokale Tregu – NPL “Tregu”, ka nisur angazhimet për vendosjen e flamujve kombëtarë me rastin e Festës së 28 Nëntorit.

“Ekipet tona po punojnë me përkushtim dhe profesionalizëm për të sjellë atmosferën festive në çdo hapësirë publike, duke e bërë qytetin tonë më të ndritshëm në nderim të Ditës së Flamurit dhe të Pavarësisë”, thuhet në njoftimin e NPL “Tregu”.  /2LONLINE/