Ka filluar mbushja e gropave me asfalt ne rrugët e fshatrave të komunës së Vitisë

Drejtoria për Shërbime Publike dhe Emergjencë në Komunën e Vitisë ka filluar sot punimet për mbushjen e gropave me asfalt.

Punimet e para kanë nisur pranë objektit të Zjarrfikësve në qytetin e Vitisë, ndërsa ky proces do të vazhdojë edhe në ditët në vijim në rrugët e fshatrave të kësaj komune.

Ky aksion synon përmirësimin e infrastrukturës rrugore dhe rritjen e sigurisë për pjesëmarrësit në komunikacion, thuhet në njoftimin e komunës.  /2LONLINE/