Ka filluar furnizimi me ushqim për kafshët e egra në zonat e Vendgjuetisë në Kamenicë

Ndërmarrja Publike Lokale “Dardana” ka filluar furnizimin me ushqim për kafshët e egra në zonat e Vendgjuetisë në Kamenicë, në pikat ku ato frekuentojnë më së shumti.

Ky aktivitet është realizuar me qëllim të sigurimit të ushqimit të mjaftueshëm gjatë kushteve të vështira klimatike, veçanërisht në periudhën e dimrit.

“Ndërmarrja Publike Dardana mbetet e përkushtuar në ruajtjen, menaxhimin dhe mbrojtjen e qëndrueshme të mjedisit dhe faunës së egër, duke kontribuar vazhdimisht në mirëqenien e biodiversitetit në territorin e Komunës së Kamenicës”, thuhet në njoftimin e kësaj ndërmarrjeje.  /2LKONLINE/.