Një studim i ri sjell të dhëna mjaft interesante rreth ndikimit të produkteve të qumështit në shëndetin tonë.
Në studim janë përfshirë mbi 3.500 pjesëmarrës, ndërsa të dhënat janë grumbulluar nga përshkrimi ditor i ushqimit.
Studimi ka zgjatur 11 vite, ndërsa rezultatet kanë treguar si më poshtë:
• Konsumimi i shtuar i jogurtit ul rrezikun për diabet tip 2 për 28 për qind.
• Konsumimi i shtuar i produkteve të fermentuara me pak yndyrë (jogurt, probiotikë, acidofile, kefir) zvogëlon rrezikun për diabet tip 2 për 24 për qind.
(Konsumimi i shtuar nënkupton konsumin e 125 gramëve jogurt së paku katër herë në javë).
Autorët kanë treguar se efekt të ngjashëm ka pasur edhe ngrënia e djathërave.
Me konsumimin e rregullt të produkteve të qumështit marrim makro dhe mikro-nutricientët e nevojshëm, si proteinat, kalciumin, vitaminën D dhe magnezin.